logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745

Jušto ove pasane šetemane spominjali smo turističku sezonu za ku i struka i pulitka govoru da bi je tribalo malo produžit, tobože rastegnut. Nato jedan govori kako je već 60 godin ala laštika rastežemo i niš od toga (ni prvije ni sada) pa da se njemu čini kako se je taj laštik već jako rastegnul, ma jušto kako i onaj na duperaniman stariman budandamin. Otil je reć: laštik da, ma sezona ne.

Objavljeno u Beseda po domaću

Da, praznici su pasali i ča sad? A niš triba čekat drugi. Inšoma, novi blavdan i ni daleko. Danas je deveti, a četrtak je već petnajsti.

Objavljeno u Beseda po domaću
Subota, 29 Lipanj 2019 07:26

Rapski kantunić Josa Fafanđela: PETROVA

Jušto smo na kanati od šejstoga miseca, dani su od Petrove, a sunce žari z veloga mota. Naš domaći čovik bi rekal, da oni gori ložu - ala vraga paklenoga.

Objavljeno u Beseda po domaću
Četvrtak, 23 Svibanj 2019 15:42

Rapski kantunić Josa Fafanđela: SPOVID

E da, bura je grubo niki dan kampanala po Rabu. Ma kuliko se moglo čut i ni puno škode učinla. Najgore da je pasal kumpir ki je sada oprljen kako da su ga dvi noći polivali z vodan od vruće lušije.

Objavljeno u Beseda po domaću

Naši ljudi su na dan prvoga maja, po onoj novijoj užanci, hodili i gori na Frugu malo gradelat, balat, počinut, a i popit dabome. Imil san nauk poć malo i ja, a baren pošpijat, da vidin ča se sve to gori dogaja, ali ovoga puta nisan bil. Mi i nimamo prazanik ki dura dva dana kako drugi. Dabome, mi smo vajk pametniji. I jušto zato ča praznik dura samo jedan dan ljudi nimaju vrimena na komudu se odmorit. A pametin dokli san i ja hodil gori medanji, da se je tamo puno mesinja znalo poist, a va bunkeriman se je i lipabrimena piva i vinaznalo dopeljat. Pa kada se malo više popije unda, dabome, i pisma pade. Gruba pisma, tuliko gruba da i ovce počnu blejat, kupit svoji janjci i bižat ća, ča dalje od ljudi.

Objavljeno u Beseda po domaću
Subota, 27 Travanj 2019 06:00

Rapski kantunić Josa Fafanđela: KRIŽEVA

Zaveti su date riči kih se čovik mora i držat. A naš najveći rapski zavet je onaj koga su ljudi dali za spasenje od veloga zla, od one nidanje kuge ka je ne samo Grad nego i celi naš otok va svoj morš agvantala pa nas je ta bolešćina i više nego napol prepolovila.

Objavljeno u Beseda po domaću
Subota, 16 Ožujak 2019 10:42

Rapski kantunić Josa Fafanđela: HRĆIŽ

Marčeni su dani, ma proliće se isto pomalo riva naprvo. Zato mi ovih dan i je palo na pamet za učint jednu malu inventuru, tobože da kakovo je sve cveće već po vrtliman i po gušću procvetalo.

Objavljeno u Beseda po domaću
Nedjelja, 17 Veljača 2019 09:25

Rapski kantunić Josa Fafanđela: VALENTINOVO

Pasanoga četrtka svi su se na svoj mod raspivali na račun ljubavi. Oli još bolje, na račun zaljubljenih. Dabome, a ča triba i govorit kada je na taj dan bilo Valentinovo. 

Objavljeno u Beseda po domaću

Pametin kako bi va ovo doba godine moja pokojna baba namin dičini pivala uvakovu pismicu: Kandalora, zima hora - snig do mora. A va ovo novo vrime pametin kako bi tu pismicu isto na prognozi vrimena pival i pokojni Sijerković, ali bi još nadodal: Rekal je sveti Blaž, da je to laž.

Objavljeno u Beseda po domaću

Ovih dan svi smo virili va rukomet. A to ni baš ni velo čudo boj, ako ćemo pravo, mi smo vajk bili dobri va tomu vražjemu rukometu, pa unda svaki put i ciljamo na velo. Oćemo bit prvi od Evrope, oli i od svita. Ma ako ne prvi, a unda brate moj, a barem drugi oli, ala šu, moremo bit i treći.

Objavljeno u Beseda po domaću
Stranica 1 od 5