logo mix

Rab Danas

Nezavisni internetski portal otoka Raba

×

Upozorenje

JUser: :_load: Nije moguće učitavanje korisnika sa ID: 745
JUser: :_load: Nije moguće učitavanje korisnika sa ID: 753
Petak, 15 Travanj 2016 12:14

Kvragu i stres

Slušan ovih dan na radiju pismu va koj na kanati pivaju: ...e da mi ljubav daju svaki dan... Lipo je to za čut, ali da se jušto nati mod i dogaja, e sve me je jako strah. A ki će ti vrag danas davat ljubav i to još svaki dan. Ni doma, a kamo li okolo. Ala šu, kod mladih se more bit još ča to od toga i dogaja, ali kod nas malo starijih, bojin se sve manje i manje. Zato mi ki smo već nakupili lipo brime tih vražjih godišć, mi isto sve više hlipimo da ljubavi ča više najdemo baren zvan kuće.

Objavljeno u Beseda po domaću
Srijeda, 06 Travanj 2016 12:19

Josip Fafanđel: "Čovik s čovikon"

"U čovjeku nije ništa krhkije od njegove skromnosti i dobronamjernosti", napisao je davno Schiller, a naš Joso Fafanđel obje ove krhke vrline živi čitavim svojim bićem... Zato i njegovi čakavski stihovi nose pečat iskrenog čovjekoljublja, a mi vam donosimo pjesmu s 8. smotre pjesnika čakavaca "Ča vrh Arbe"

Objavljeno u Kultura
Srijeda, 23 Ožujak 2016 19:33

Vazan oli kada muški nose jaja na pijacu

Cela ova šetemana pasiva va sinjalu od Vazma. A začalo se još i prije, sve od Josipove, priko Maslinarice, pa do vazmene nedilje i vazmenoga ponediljka. Istešo, sve je to ove godine arivaloi malo ranije ča se more i šervat, boj ni zelenilo okolo još ni va onoj pravoj forci. E, ali kokoše, nebojse, one znaju svoj posal. Makar je Vazan arival ranije kokoše su navrime sedile na ložu i nesle jaja, kako da i one pazu va kalendar i šervaju da je Vazan blizu, pa valja na prešu i pune kuneštre jaj nanest. A ča bi i bil Vazan bez onih lipih domaćih jaj! Jaja za piturat, jaja za blagoslovit, jaja kuhana i jaja va onoj starinskoj golubici.

Objavljeno u Beseda po domaću
Četvrtak, 17 Ožujak 2016 09:40

Tlak od života

Bili smo kako kumpanija od fameje ovih pasanih dan, ne na jednomu, nego na dva rođendana. A ča se more kad se je tako i potrefilo, da jedan rođak ima rođendan, tobože danas, a rođica već zutra dan. Ali to ni važno, važno je da san zapametil kako su oba dva na svojiiman rođendaniman zanovitali da ih boli ovo, pa kako ih boli ono, a diboto samo ča nisu umrli od bolešćine.

Objavljeno u Beseda po domaću
Subota, 05 Ožujak 2016 21:17

A ča je, a kadi su van... šugamani?!

Po sviman našimin mestiman z'ove bande Raba, durali su ovih dan sastanci za parićivanje turističke sezone. A hodila je po seliman cela kumpanija od vlasti, turizma i komunalij. I svaku večer bili su va drugomu našemu mestu. To je za pofalit, dabome. Boj to će na svoj mod pomoć ljudiman da se za sezonu ča bolje parićaju, a oni ča o tomu vodu računa, oni će ju isto doznat ča sve ne gre kako po loju, pa kuliko budu mogli to ćeju malo po malo i znivelivat.

Objavljeno u Beseda po domaću

Vazda je na ovome svijetu bilo teško nasmijati ljude. Grci su se skrivali u tragedijama, a rijetko tko se usudio biti komediografom i preuzeti tu tešku zadaću uveseljavanja preozbiljnog puka. Ma je li uistinu tako preozbiljan? Sudeći po crticama Josipa Fafanđela rekli bi da je ovaj naš svijet ispunjen pozitivnim duhom, škercom i veseljem koje je neiscrpno vrelo anegdotalnoj prozi Fafanđela. Kada ne poznaješ pisca, pokušavaš ga otkriti kroz svaku napisanu riječ, ostavljen zarez ili podignuti uskličnik. Josa, oprostite mi na ovakvom obraćanju, no jednostavno moram, dakle Josa je izuzetno teško dokučiti.  

(Krešimir Butković, Rapski list, prosinac 2012.)

Petak, 12 Veljača 2016 13:53

Maškri bez maškar

Celu celcatu šetemanu gnjavili su nas jugo, daž i oblačine svake sorte. A zamislite, sunce se je naviše pokazalo jušto na dan od mesopusta, kako da je otilo reć: evo ljudi, molat ću vas da se veselite i uživate va zadnjemu delu od maškar. I bilo je tako samo za vrime duranja onoga suđenja našemu Juru Piškancu, va Varošu, a potle toga opet jako jugo, pa po noći i daž. Ali zaman je nas vrime pustilo da se malo zimašemo na dan mesopusta kada smo mi Rabljani, pari mi se, zasvin va zadnje vrime i maškari zapustili. Oni stariji više zato ne maru, a oni mlaji su se tuliko zlenili da ih nideri više ni njanci za vit. I tako su kod na na Rabu pasali maškri bez maškar. A dodar ni naš Imperijal ni bil vridan baren par šak čevapčiči hitit na ploču. I tako se je dogodilo, da mužika sviri, a tanci ni. Ne pačan se, ma niki vrag se na grubi mod dogaja. Debandali smo maškaranje, pa se sve bojin da gre pomalo vrime kad će nas drugi na svoj mod maškarat. A ni mi baš jako drago kada me drugi oćeju na silu maškarat, oli - od mene vizeru učint.

Objavljeno u Beseda po domaću
Ponedjeljak, 02 Ožujak 2015 18:48

Eurofiskalomalinada

Ne, nisan pošempijavil, a nisan još ni munjen, ni klavrn. Tobože, boj da san ovo zgora unakov naslov nabandal. Ne, nego neka se ova ćakula jušto tako i zove. Pričezo tako: eurofiskalomalinijada. Oštija, od kad smo va Evropu zakoračili, još više se lovimo svakojakih mudernih, a najviše tujih besed. Va kompjuterima pugotovo, tamo je puna kapa tujega zajika. A dodar smo, ma odavna već, i sve nove firme krstili po tuju, a da ne govorin kako i dici dilimo tuja imena. Ni više ni Pera, ni Mata, ni Frana. Sada su samo Kristijani, Noe i Sebastijani. I eto, kada je već tako, a tako i je, unda i ja iman pravo zmislit, a baren jednu, novu i mudernu besedu. I evo van je: eurofiskalomalinijada. A vi lipo čitajte ovu ćakulu do kanate pa ćete i sami šervat ča ta beseda zapravo pristavlja. A ja ću van to i reć – pristavlja, brate, ono ča van sve danas oću povidat.

Objavljeno u Beseda po domaću
Četvrtak, 05 Ožujak 2015 18:44

Ča grubo, a ča lipo vonja

Gosti su već pomalo partili ća, doma po svojiman kućamin. Muli su prazni, ni vit glisera, pa su bove tako jadne ostale same. Lelaju se samotno na jugu i burinu i kako da jedva čekaju kada će njihovi gliseri nanovo arivat. Ali i gliseri su partili. Na svojiman prikolicamin, po suhomu i već su se okolo po svitu jedan po jedan pomalo va teple garaže kolegali. I neka, ali daj Bože da se dogodine jopet tornaju i nanovo zagrlu svoje bove ke ih celu zimu željno čekaju po našiman muliman. 

Objavljeno u Beseda po domaću
Stranica 2 od 2