logo mix

Rab Danas

Nezavisni internetski portal otoka Raba

Inšoma, kako je da je, puno je vrimena proteklo va strahu ono kada smo s trubicamin na ustiman tekli po butigamin i svajdi naokolo. I evo ga na, pasali smo već i polovicu od šejstoga miseca, a ni daleko ni ovgodišnji blavdan od Petrove. Pa se pitan - kadi smo i ča smo? Ma intanto, kako da pomalo sve gre va svoju regulu.

Objavljeno u Beseda po domaću

Ma kadi smo i ča smo? Vidimo se, čujemo, oli kumpanjamo? A vrag će ga i znat kadi smo i ča smo, kad se slabo vidimo, a još manje kumpanjamo.

Objavljeno u Beseda po domaću

Čovik kako da vajk mora bit va nikomu strahu. Ovoga puta je to onaj nesrićni korona virus. Ma jopet, jedni govoru kako je sve to samo malo priko mere napuhano i da je taj vražji virus niš drugo nego kako i svaki drugi. Recimo kako i gripa. I jušto se moramo i pitat da ča je zoton vražjon gripon? Niki o njoj sada ne govori ma njanci jedne jedine besede. Kako da je ni, kako da je zasvin nestala i kako da se je i ona prestrašila ovoga novoga virusa. Da i nju ne zatare, pa do godine ni nje više ne bude. A ki zna, sve je moguće.

Objavljeno u Beseda po domaću

Blavdani su pasali, izbori su pasali i ja razumin da smo se zotin malo i spuhali i zimorili. To pari da je arivalo vrime kada bi se sada valjalo malo i latit kakovoga posla. Oli ćemo još i maškari čekat pa ćemo unda! A neka, i to je lipo. Jedino da va svemu i malo miru ne prepasamo.

Objavljeno u Beseda po domaću

I evo ga, dočim smo va dvanajsti misec zakoračili, valja računat da smo i na kanatu od godine arivali. Jedni ga ga zovu decembar, a po hrvašku je prosinac. I jušto to mi ni ćaro. Ma svake godine dočim se ovaj zadnji misec va godini začme, ja se vajk zapitan, tobože, da ki vrag mu je i dal takovo ime.

Objavljeno u Beseda po domaću
Ponedjeljak, 18 Studeni 2019 08:15

Rapski kantunić Josa Fafanđela: MARTINJE

Evo i ova gruba vrimena najavljuju da se pomalo i va zimu zatvaramo. Gosti više ni za vit, masline su pobrane, ulje je učinjeno, a na dan jedanajstoga od ovoga miseca moglo se je čut da je i dosta vina po konobah pretočeno.

Objavljeno u Beseda po domaću
Ponedjeljak, 28 Listopad 2019 08:41

Rapski kantunić Josa Fafanđela: VATROGASCI

Jušto kako i svake godine i ovoga puta da su ovih dan naši vatrogasci bili na onomu njihovomu redovitomu izletu - z brodiman. I neka su! Boj ako je ki to zamerital oni sigurno jesu. Toj našoj kumpaniji se vajk i duron moramo i poklanjat ako triba.

Objavljeno u Beseda po domaću

A Bože moj, ono ča čovika va ovo doba godine more veselit to je najprvo lipo vrime, ovi burini od jeseni ki nan daju ćaro nebo i puno teploga sunca.

Objavljeno u Beseda po domaću
Četvrtak, 03 Listopad 2019 10:36

Rapski kantunić Josa Fafanđela: MALA MATURA

Evo nas, to smo mi, ili bolje reć to je del od onoga ča je ostalo od VIIIa i VIIIb razreda od genracije 1961.-1962. godine. I neka znate da se svake godine sastajemo, makar nas je sve manje, nažalost.

Objavljeno u Beseda po domaću

Vrime se grišpa, a to pari da leto isto pomalo pasiva. Šerval san da se već i butigice i restorani kod nas zatvaraju. A ča da van rečen nego da ljudi sve manje mislu na gosti, a sve više na onu mudernu trgatvu i ribariju.

Objavljeno u Beseda po domaću
Stranica 1 od 6