logo mix

Rab Danas

Nezavisni internetski portal otoka Raba

OLUJIC 1400X179

 

Petak, 08 Listopad 2021 14:31

Rapski kantunić Josa Fafanđela: ZAHLADILO JE

Napisao/la
Da, mrzlije je vrime arivalo. Ala šu, ja razumin da smo se ove godine jadali na velu vrućinu, ma isto mi je nikakor žal ovoga našega leta. Dabome, uz jad na vrućinu bilo je i gosti pa su zarade sve to na svoj mod pokrivale.
Inšoma, ovo kada je malo hladnasto, oli bolje reć kada više ni tako vruće, kako da je najbolje vrime da se ljudi začmu malo i kumpanjat, malo se družit. A i gosti pomalo gredu ća pa su i kuće sve praznije, a to pari da sada ima i više vrimena za malo se rasprošat.
Gren ovih dan van na dvor kad čujen kako sused nikoga vraga njurga.. Ma ne kroz nos, nego šćeto jako da se more čut.
Utorak, 22 Lipanj 2021 18:45

Rapski kantunić Josa Fafanđela: VESLA MORE

Napisao/la
Evo ga, i leto je arivalo! Da, ma ne samo po kalendaru nego i po vrimenu. Ben, ma mi već puno vrimena čekamo jedno drugo arivanje. Čekamo kako se to sada muderno reče - ono normalno.
A puno bi se moglo ćakulat o proliću, ali neću previše da mu ne petan uroci. Neka teplo vrime dura, neka verdura raste, neka i masline ča više rodu, boj bilo je za vit puno rese na njiman. Lani su manje rodile pa bi se moglo dogodit da ove godine više balic ostane.
Ni pasalo puno vrimena da smo čitali kako je na Rabu prestavljena knjiga ka se zove Otok Rab u prapovjesti. Na muke, ali došal san nikakor i do toga libra. Lipi i veli libar va komu je, a diboto 3 kila. Ali, dabome, libri se ne miru na kila kako kumpiri, nego se gleda ča va njiman piše.
Nit iman koga birat, nit zato bacigan!, govori mi oštro jedan. Ma da samo jedan, nego šćeto puno od njih mi je to već reklo. I sada, ala šu, ljudi triba i razumit, boj ki zna ki je komu, kako i naki mod stal na žulj, ma isto se meni pari da to ni dobra pulitika.
Ni za virovat, ali gren ja pasane šetemane z auton na butigu, kad potle nikoga vrimena zove mene parona, da neka gren ča prije doma. "A ča je sad tako prešno?", pitan je ja. "Ni prešno niš", govori mi ona, "nego mi je jušto na dvor došal jedan tovar, a ja ne znan ča ću šnjin". A ja nanovo pitan: "Ma ki je došal na dvor?!" - "Došal je tovar!, ča ne čuješ", govori mi…
Jednoga jutra, još lani, pari mi se, nosi meni Vinko Maškarin jednu kartu pa mi govori: – Evo, pa pročitaj, da i to čudo vidiš! – A otkud ti ta karta? – pitan ga ja. A un mi govori kako je to našal zapisano va jednomu libru ki se zove „Jadranske legende“. Na 72. stranici zapisana je, evo, i uvakova štorija.
Stranica 1 od 11

 

 RAT1 600

seakayakcroatia

 

BANNER350 BarbaSIME1