Home Beseda po domaću Rapski kantunić našega Josa Fafanđela: KADI OGANJ GORI?

Rapski kantunić našega Josa Fafanđela: KADI OGANJ GORI?

0
Rapski kantunić našega Josa Fafanđela: KADI OGANJ GORI?

Foto: RabDanas

Inšoma, naši vatrogasci počivaju, a po našoj državi isto puno toga gori.

Dobro je da nan gušći i kuće ne goru, a vatrogasci odmaraju, ma isto ni dobro kada va našojh rapskoj pulitici ni nikakovga ognja. Ne veloga, ali baren malo žerave, boj va demokraciji da ovi od opozicije moraju vajk oniman ki su na vlasti hitat podnoge, a baren ki nagoreni šverin.

Rab danas oglas

Gorilo je niki dan va Saboru kada je naš šef od vlasti daval raport ča je sve učinjeno va pasanoj godini dan. Gorilo je zato boj oni od opozicije zotin nisu bili baš jako kuntenti, pa su jedan po jedan i oni pomalo oganj nagarali. A gorilo je i poradi onoga vražjega Agrokora i to malo manje va Saboru, a malo više po oniman njihovin kućamin, va DORHu i puliciji. A sada će gorit još i više boj svih njih triba ispićivat i pomalo napipat ča se je to dogajalo va velomu Agrokoru. Ben ma, molajmo taj oganj oniman ki ga i po zakonu moraju gasit. Samo pomalo ve, da nebi i oni prsti zgorili. 

Ni vit ognja, a sve pomalo gori

Inšoma, to van tako dojde: ni vit ognja, a sve pomalo gori. Va pulitici najviše. Ne pačan se, boj ne čuje se puno ča se sve na Rabu dogaja po tomu pitanju. Dobro je da nan gušći i kuće ne goru, a vatrogasci odmaraju, ma isto ni dobro kada va našojh rapskoj pulitici ni nikakovga ognja. Ne veloga, ali baren malo žerave, boj va demokraciji da ovi od opozicije moraju vajk oniman ki su na vlasti hitat podnoge, a baren ki nagoreni šverin. Kada ča to gori, unda kako da je malo življe, a i strahovanje je veće, dabome. Ala onoga Kamporca komu je žena imila nauk da šnjan svaki dan mora poć, a baren tri put va postilju. Un bi jadan šal napolje kopat, a kada bi njoj došla volja, ona bi ga od dvora zvala. A oni drugi po njivah bi to imili navar, pa bi ga smijuć se avizivali: Ivane, ča ne čuješ da te žena zove? A un da bi nato samo rekal: Johi meni, ma ča jopet!

Da, ni naši vridni vatrogasci nebi mu mogli pomoć. Moral je jadan sam oganj gasit.

 

  • Napisal: Joso Fafanđel (Rab Danas – X/2017.)

KOMENTIRAJ ČLANAK

Molimo, unesite Vaš komentar!
Molimo, ovdje unesite Vaše ime