A baš lipo, mislin se ja, to pari da ću sada za par arbunići još morat i globe plaćevat. Ljutin se i ja, dabome, boj se sve mislin da komu je to šordini palo napamet da se i one penzijonerske dozvole za tunjicu moru dignut jedino do kanate od drugoga miseca?
Tobože, njanci onu penzijonersku. A zač?, pitan ga ja. Zato, govori mi un, ma jako ljuto, boj da je po novomu zakonu rok pasal. Da su se dozvole mogle dignut do prvoga marča i sada da ih više nedaju.
A baš lipo, mislin se ja, to pari da ću sada za par arbunići još morat i globe plaćevat. Ljutin se i ja, dabome, boj se sve mislin da komu je to šordini palo napamet da se i one penzijonerske dozvole za tunjicu moru dignut jedino do kanate od drugoga miseca? Ali moremo se mi jadat kuliko oćemo i govorit da nismo znali, ma pravnici lipo govoru da nepoznivanje zakona ne oslobađa nikoga od odgovornosti. To pari da će ovoga leta bit svega namori.
Ma vrag neka zeme i njih i taj njihov rok, govori mi taj čovik. Ki vrag po zimi misli na dozvolu. To mi pada napamet na proliće kada bolji dani arivaju i kada plava riba počne koštivat. A oni dilu dozvole kada ruke zebu. Njunja un tako i gre pomalo naprvo s provišton na kasu. Pridanjega već čeka jedna mlada ženskica, a za kason je još jedna, more bit i mlaja. I vidin ja da je un već puno veseliji. A ženskica pita onu na kasi da neka je da i škatulu cigareti. A kakovoga ćeš, pita ona nju, kratki oli dugi? Kratki, govori je ona. A ča beli, črljeni, tvrdo, meko, tobože pakovanje, pita ona na kasi, a ova je kako s topa redon govori: Daj mi črljeni, kratki- i tvrdi.
A onaj pridame se nato obrne kuntra meni pa mi govori: Ćo, a jesi čul i vidil? A moja parona kada kupuje za mene, ona pita kratki ...i meki!
- Napisal: Joso Fafanđel (16.3.2018.)
