logo mix

Rab Danas

Nezavisni internetski portal otoka Raba

  • Imperial Rab
Subota, 05 Svibanj 2018 08:01

Rapski kantunić našega Josa Fafanđela: KRIŽEVA, MA NA DRUGI MOD

Autor:
Ocijeni sadržaj
(1 glas)
Rapski kantunić našega Josa Fafanđela: KRIŽEVA, MA NA DRUGI MOD Autor fotografije: Miroslav Maroević (iz zbirke Josipa Andrića)

Ovo san odavna već zapisal, pa ću i ovoga puta spomenut. Dabome, va ono staro vrime najgore su za Križevu pasivali Loparani, boj oni su najviše morali nanoge hodit; sve od Lopara, pu unda gori priko Fruge, oli Kanta, šoto krospolje, priko svetoga Ilije, pa Paliton do Grada. A tako i nazad varamente, bilo lipo vrime kako ove godine, oli dažilo, ča bi se isto znalo dogajat. To pari da su Loparani bili s celoga dana po putu i Gradu. A kada je čovik s celoga dana na putu unda valja ča to i poist i popit.

 

...vajk bi se užalo marendat va toj gostijoni u Taribe, ku još i ja pametin najviše po jako slasnomu gulašu. Naki mod bi i od čega to Joso i njigova Kate skuhali gulaš s kumpiran, to niki nezna, ali da je to bil gulaš od svih gušti, e to već svi znaju.

Va ono vrime se je znalo poć na ubed, oli marendu u Taribe, Gradu va onu nidanju gostijonu ka se je zvala "Bolje tu nego tam". Moglo bi se reć kako je bil običaj ljudi od svakoga sela, kada se ide po potribi Grad, bilo na općinu, na sud oli ča drugo, vajk bi se užalo marendat va toj gostijoni u Taribe, ku još i ja pametin najviše po jako slasnomu gulašu. Naki mod bi i od čega to Joso i njigova Kate skuhali gulaš s kumpiran, to niki nezna, ali da je to bil gulaš od svih gušti, e to već svi znaju.

 

Gulaš ma za prsti polizat. I bit će da se je to dopalo i onomu Loparaninu ki je bil za Križiman. Ali un ni samo hodil za Križiman, nego bi celi put od Lopara do Grada i nazad, nosil na dugoj lanči i onaj crkveni barjak na komu je bil nactan njihov svetac, Sveti Ivan, kako in se i crikva zove.

 

 I gre tako Loparanin po tomu putiću, lela se unako va bevandi malo simo, malo tamo, kad zakači mu barjak od sv. Ivana za kupinu...

Tako se i dan-danas povida kako je taj Loparanin potle mise na Križevu šal na ubed u Taribe, stavil je barjak va kantun, ubedval je i dabome, potle dobroga gulaša malo je, ma isto priko mire, i popil one Taribine bevande. I unako umoran, a još više ošamućen od vina, stavil je barjak od sv. Ivana priko ramena i šal pomalo doma, kuntra Loparu. Ali kroz polje Mundanijah oli Drazi bil je samo uski putić ki je hodil sve uz sami potok, a potok zarašćen, a put najviše va kupini. I gre tako Loparanin po tomu putiću, lela se unako va bevandi malo simo, malo tamo, kad zakači mu barjak od sv. Ivana za kupinu, a un se je zalelal i zvrnul zasvin barjakon nutra va potok. Malo je stresal glavu, pa da govori: "Ma sveti moj Ivane, ča tako? Ja tebe celi put nosin, ruke me bolu, a ti mene tumba... va potok."

 

  • Napisal: Joso Fafanđel (4.5.2018.)
Pročitano 4835 puta
Josip Fafanđel

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia

 

Popularno

Novi oglasi

Gliser Elan
( / Auto, moto, nautika)

Gliser Elan

Ford Cmax 2016.g.
( / Auto, moto, nautika)

Ford Cmax 2016.g.

Održavanje nekretnina
( / Nekretnine, zemljišta i prostori)

Održavanje nekretnina

Posljednje teme s tužibabe

U nastavku dostavljam slijed dopisa koje sam slao komunalnom redaru, gradonačeln...
Prije 1 godinu 0 13919
Imate neki problem koji treba netko riješiti... Ne znate tko je nadležan za rješ...
Prije 3 godina 0 22636

Novo u imeniku

Sea Kayak Croatia

Mala tvrtka za velike doživljaje na Jadranu!

Web Arba

Obrt Web Arba od 2005. posluje na otoku. Bavi se servisom računala i računalne opreme, izradom…