logo mix

Rab Danas

Nezavisni internetski portal otoka Raba

  • Imperial Rab
Petak, 29 Lipanj 2018 11:51

Rapski kantunić Josa Fafanđela: KAVALETI I KOBUŠKE

Autor:
Ocijeni sadržaj
(1 glas)

Svi se redon jadaju da je ove godine more mrzlo kako vrag pakleni. A naki mod će more i bit teplo ala lušije, kada je bura jušto ma sve do kanate od miseca duron puhala. I to šćeto po vražju, kako ča smo i sami mogli šervat. 

 

Oštija, sedmi je misec, a ja pod dekicu spin. A prvije smo, va ono staro nidanje vrime, ovo doba godine već tekli van spat, pod vrdać na daske, kavaleti i kobuške. Jo, ma ki veli gušti su to za nas dicu bili!

Ali ti su gušti pasali pa se danas više brižimo ne kadi ćemo mi ležat, nego kadi će i kako naši gosti spat. Zato in sada va lipe kamare rivamo i one vražje klime, pa ako je vruće moru se zotin ohladit, a ako malo zahladi kako ovih dan, unda se jopet moru i steplit.

Ali, ja bi isto volil znat ča bi naši gosti rekli kada bi mi i njiman po vrućini pohitali postilje van na kavaleti, pod vrdać, oli kakov barac na dvoru. Meni se pari da bi se za prvu ruku križali, tobože da ča je ovo, da kadi su to arivali, ali kada bi nati mod prvu noć prespali siguran san da ih više ni vrag nebi nutra va kuću nagnal. Jedino ona vela gospoda bi more bit njurgala. A oni kiman bi se to dopalo, oni bi svake godine nanovo hodili na iste postilje, pod barac i vrdać, kadi in kosi jutro zaran pivaju, a črški ih malo potlije još i svojan mužikon zalivaju.

Altroke noboder, stan, oli apartman zonan klimon ka ti zgor uha celu noć ala kumarca brnči. A da ne govorin da se zjutra dižeš vas prehlađen, pa kišeš i šmrcaš, kako da si celu noć na vrh Tinjaroše - na velomu propuhu spal. A ni črška nisi mogal čut, boj i črčak više voli va teplomu pivat, nego uz klimu šmrcat i kašljat.

  • Napisal: Joso Fafanđel (29.6.2018.)
Pročitano 4658 puta
Josip Fafanđel

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia

 

Popularno

Novi oglasi

Gliser Elan
( / Auto, moto, nautika)

Gliser Elan

Ford Cmax 2016.g.
( / Auto, moto, nautika)

Ford Cmax 2016.g.

Održavanje nekretnina
( / Nekretnine, zemljišta i prostori)

Održavanje nekretnina

Posljednje teme s tužibabe

U nastavku dostavljam slijed dopisa koje sam slao komunalnom redaru, gradonačeln...
Prije 1 godinu 0 16361
Imate neki problem koji treba netko riješiti... Ne znate tko je nadležan za rješ...
Prije 3 godina 0 24449

Novo u imeniku

Sea Kayak Croatia

Mala tvrtka za velike doživljaje na Jadranu!

Web Arba

Obrt Web Arba od 2005. posluje na otoku. Bavi se servisom računala i računalne opreme, izradom…