logo mix

Rab Danas

Nezavisni internetski portal otoka Raba

  • Imperial Rab
Petak, 14 Rujan 2018 12:28

Rapski kantunić Josa Fafanđela: TRGATVA

Autor:
Ocijeni sadržaj
(3 glasa/-ova)
Rapski kantunić Josa Fafanđela: TRGATVA Grozdovi rapske plavine u banjolskom vinogradu / Foto: Hrvoje Hodak

Inšoma, one starinske trgatve više na Rabu ni, baren ne one domaće po svakoj kući. Ali naš se čovik isto danas na muderan mod snajde. Oću reć, ni grozja, ni trsja ni, ali zato isto je vina po konobah.

 

I moj sused je niki dan pral bačvicu na dvoru, pa mu govorin: Aha, to pari da se začimlje trgatva! Trgatva da, ma ona muderna, po koj na dvor arivaju kašete već potrganoga grozja, oli doli od Dalmacije, oli zove bande, tamo od Istre.

Ni više ni onih starinskih drvenih bačav, nego se sada kupuju one muderne od željeza, onoga ča ne rđa. I ni je triba ni močit, ni puno prat, a još manje redovito, kako ono jednaput, obrči nabijat. I moj sused je niki dan pral bačvicu na dvoru, pa mu govorin: Aha, to pari da se začimlje trgatva! Trgatva da, ma ona muderna, po koj na dvor arivaju kašete već potrganoga grozja, oli doli od Dalmacije, oli zove bande, tamo od Istre.

- Ma, znaš ča, govori mi nato sused, ma sve san se mislil da ću se ja ove godine ostavit toga posla, ali evo opral san bačvicu, pa lako more bit da ću se i predomislit. Sve se mislin, kako da je grih poć va mrzlu zimu, a ne imit va konobi bačvicu vina. Pa kada poželiš dva guta unda je bolje poć va konobu nego z auton teć va butigu. A i nikad neznaš na kakovo ćeš vino tamo naletit, a ovo ča se doma učini, ako ga ne pokvariš s cukaron, računan da je bolje od kupljenoga. A zausput se unada škapula i ka litra rakije, dabome, pa sve to dobro dojde kada bura zapuše i ruke zebu. 

 

Eto i to van je današnja muderna trgatva. Istešo, ima i još jedna, a to je da ljudi danas priz kuću imaju i kakov lipi barac, oli desetak jam unako po vrtlu, pa se i to potrga. Ma najviše je to ono jopet muderno grozje ko se ne indikiva, a naši stari su govorili da je to dibljak. I unda va zadnje vrime ljudi to grozje potrgaju, pa ga svi ne hitaju med ono kupljeno, nego se od toga grozja kuha rakija. A kuliko je i ta rakija zdrava, vrag će ga znat, ali neka i nje va konobi ima, a kada dogodine nanovo arivaju gosti, oni će ju je najviše i popit. Malo-malo pa bitešen i gostu se nalije žmuljić (tobože šnaps), a unda na kanati svakoj fameji se da litrica i za doma zet.

Oni budu na tomu zahvalni, a mi računamo da će ih i to malo putegnut da dogodine jopet va istu kuću arivaju. Oštija, a i oni volu šnaps, a pugotovo ako je za niš. Da, bitešen-tankešen i to je to. 

 

Sve na muderan mod. Ma ja isto žalin za onon starinskon trgatvon. A i kakove su to bačve- kad nimaju ni čepa, ni tapuna...

Pročitano 1580 puta
Josip Fafanđel

Ova e-mail adresa je zaštićena od spambota. Potrebno je omogućiti JavaScript da je vidite.

seakayakcroatia

 

Popularno

Novi oglasi

Gliser Elan
( / Auto, moto, nautika)

Gliser Elan

Ford Cmax 2016.g.
( / Auto, moto, nautika)

Ford Cmax 2016.g.

Održavanje nekretnina
( / Nekretnine, zemljišta i prostori)

Održavanje nekretnina

Posljednje teme s tužibabe

U nastavku dostavljam slijed dopisa koje sam slao komunalnom redaru, gradonačeln...
Prije 1 godinu 0 14826
Imate neki problem koji treba netko riješiti... Ne znate tko je nadležan za rješ...
Prije 3 godina 0 23313

Novo u imeniku

Web Arba

Obrt Web Arba od 2005. posluje na otoku. Bavi se servisom računala i računalne opreme, izradom…

Sea Kayak Croatia

Mala tvrtka za velike doživljaje na Jadranu!