logo mix

Rab Danas

Nezavisni internetski portal otoka Raba

Gif animacija za zapoljavanje 2000x240px

 

Subota, 12 Ožujak 2022 13:22

Antiratni poetski kantunić Josa Fafanđela: rat i MIR

Napisao/la Josip Fafanđel
Ocijeni sadržaj
(3 glasa/-ova)
Antiratni poetski kantunić Josa Fafanđela: rat i MIR Foto: Kristina Ribarić

Ne, ni žbaljada ovo va naslovu, namjerno san rat napisal malin slovima, a MIR z veliman. Rat ne poštujen – i to je to. Na velu sriću ovih dan mi ga gledamo samo na televiziji i kadikod obrneš duron se čuje samo rat, rat, rat i rat. Ali ja čujen i jeku kako z one druge puno veće bande uporno i šaldo na to odgovara: MIR, MIR i samo MIR. Od veloga jada, latila me je volja da i o tomu ku besedu napišen, ali san našal jednu moju pismicu još od prije šejst godin, pa me je začudilo kuliko njezina poruka vridi i dan-danas, na žalost. I bit će dosta ono ča ona govori.

 

MUHE NA STAKLU

 

Govoru da pamet svita naprvo gre

I slušan to svaki božji dan

Unda mi priz oči rat prezentaju

Bumbe, avijoni, topi

I kako sotone veli brodi

Prezentaju mi pucanja, dim, krv

Mrtvi ljudi i dicu va strahu i plaču

Sve to mi vidimo

Ma isto kako pijani njorimo

I bubamo simo-tamo

Kako muhe va staklo!

 

Čigova je to pamet šla naprvo?

Pamet od čovika, govoru

Od čovika ne

Boj oni ča ratuju i oni su čovik do čovika

I oni su ljudi

A mi smo pametniji, tobože

Za koga unda i mi činimo sve te bumbe

Topi, avijoni i sve one dežgracije

Za jedan drugoga zatrt, strašit i ubijat

 

I celi svit je zotin va igri

Jedni ratuju danas, a drugi će zutra

Ne, pamet svita još ni narasla

Morala bi puno veća bit

Da pridase raščinimo ograde i ploti

Da nan besede budu čiste

Da od zajikov znememo sve šporkice

Svaku - i velu i malu draču

Da nan oci ne ginu, matere ne patu

I da nan dica za vike vikova

Više nikad ne strahuju - i ne plaču!

Pročitano 630 puta

 

 RAT1 600

seakayakcroatia

 

BANNER350 BarbaSIME1