Foto: RabDanas
Dabome, mat bi sve to va kuneštri prvo punesla na misu za blagoslovit, a mi smo željno i naprto čekali kada će stavit kuneštru na tavlu, dignut onaj šari tavijol ki je sve to pokirval i kada će nan naše golubice jednomu po jednomu podilit. Dabome, i onaj slatki kruh i golubice bili su umišeni od istoga testa, a friška domaća jaja davala su in onu pravu žutu boju, kako da su od zlata učinjeni.
A jeste more bit čuli ča je to golubica? Oni stariji virujen da znaju, ma mladi bojin se da ne. Ben, ma kad san ja bil mali za mene je to bil najbolji kolač na svitu. A ni kolač nego kruh. Slatki kruh, slatka pletenica va koj bi virilo na vrhu zamoćeno domaće jaje. Užanca je bila da matere svakomu ditetu speču po jednu takovu pletenicu ku smo svi zvali – golubica. Neznan zač smo je zvali golubica, ali pametin da je to bila vela diteška radost.
Bilo je i kuhanih jaj i slatkoga kruha, ali golubice su bile više od svega toga. Pa i ono jaje na vrhu, skupa pečeno va peći, kako da je bilo slađe od onih drugih kuhanih, kih je bila puna terina do vrha. Onih pituraih i onih bez piture. Dabome, mat bi sve to va kuneštri prvo punesla na misu za blagoslovit, a mi smo željno i naprto čekali kada će stavit kuneštru na tavlu, dignut onaj šari tavijol ki je sve to pokirval i kada će nan naše golubice jednomu po jednomu podilit. Dabome, i onaj slatki kruh i golubice bili su umišeni od istoga testa, a friška domaća jaja davala su in onu pravu žutu boju, kako da su od zlata učinjeni.
Povidali su mi da je tako jednoga dana svoju kuneštru punu jaj na pijacu nosil niki Palićanin. Ali kuneštru ni nosil va rukah nego gori na vrh glave, a jaja je pokril s tavijolon da se po putu ne vidi ča un to nosi za prodat na onu nidanju pijacu va Varošu
Zato bi prije Vazma ženske, a i muški, od sela nosili po pune kuneštre jaj Grad na pijacu za prodat. I sve bi se prodalo, boj ki nebi volil kupit ono starinsko domaće jaje va komu je žumanjak tračil na balicu od zrele naranže.
Povidali su mi da je tako jednoga dana svoju kuneštru punu jaj na pijacu nosil niki Palićanin. Ali kuneštru ni nosil va rukah nego gori na vrh glave, a jaja je pokril s tavijolon da se po putu ne vidi ča un to nosi za prodat na onu nidanju pijacu va Varošu. Ma za nesriću, toga dana da je puhal mali južin, pa dočim je arival va Varoš, vetrić je sokril ona jaja va kuneštri.
Šervala je to jedna Kicarka ka ga je prva kuntrala, pa da mu govori:
– Ivane moj, a vidu van se jaja!
A un je siromah prenul, boj je računal da mu se vidu ona jaja šoto, pa je naglo kalal glavu da vidi je mu priporka ostala otvorena. I dabome, puna kuneštra jaj zvrnula se pokloh na sred Varoša, a sve do jedno jaje se razbilo i va jednu velu kajganu zamišalo.
A ča ćete, tako van je to kada muški nosu jaja na pijacu.
