logo mix

Rab Danas

Nezavisni internetski portal otoka Raba

OLUJIC 1400X179

 

Nit iman koga birat, nit zato bacigan!, govori mi oštro jedan. Ma da samo jedan, nego šćeto puno od njih mi je to već reklo. I sada, ala šu, ljudi triba i razumit, boj ki zna ki je komu, kako i naki mod stal na žulj, ma isto se meni pari da to ni dobra pulitika.

Objavljeno u Beseda po domaću
Ponedjeljak, 26 Travanj 2021 12:56

Rapski kantunić Josa Fafanđela: TOVAR, MA DOKTOR

Ni za virovat, ali gren ja pasane šetemane z auton na butigu, kad potle nikoga vrimena zove mene parona, da neka gren ča prije doma. "A ča je sad tako prešno?", pitan je ja. "Ni prešno niš", govori mi ona, "nego mi je jušto na dvor došal jedan tovar, a ja ne znan ča ću šnjin". A ja nanovo pitan: "Ma ki je došal na dvor?!" - "Došal je tovar!, ča ne čuješ", govori mi ona. I još da na sebi ima i deset metri konopa.

Objavljeno u Beseda po domaću

Jednoga jutra, još lani, pari mi se, nosi meni Vinko Maškarin jednu kartu pa mi govori:

– Evo, pa pročitaj, da i to čudo vidiš!

– A otkud ti ta karta? – pitan ga ja. A un mi govori kako je to našal zapisano va jednomu libru ki se zove „Jadranske legende“. Na 72. stranici zapisana je, evo, i uvakova štorija.

Objavljeno u Beseda po domaću

Ne, neću prebirat ča se je ovih dan sve dogajalo, nego ću van prezentat jedno ljubavno pismo, koga san napisal još prije sedan godin. A prezentat ću ga zato boj je jušto prlika da se vidi ča se je va tih sedan godin prominilo, oli se uvakovo pismo more i dan-danas na isti mod napisat. Ma pisal san, ne divojki ( čuvaj bože) nego našemu gradu Rabu. A to pismo, koga san zgulil od moga libra "Črv ki ne da mira", bit će zapravo sve ča san van otil za ovu prliku po domaću povidat.

Objavljeno u Beseda po domaću
Petak, 26 Ožujak 2021 08:43

Rapski kantunić Josa Fafanđela: PIJACA

Ovo je još vajk vrime od Uskrsa. I čega je ovih dan moglo bit najviše na pijaci nego gromače od onih pravih domaćih jaj? Ala šu, more bit i ki macić šparug. A jaja i šparuge su se vajk jako dobro kumparali. Za prsti polizat. Ben, ma jopet ni na kraj pameti mi ni bilo da poradi toga parićan ovu štoriju o pijaci. Pijaca je danas undi kadi je. Ne Gradu, nego va Palitu. Vela jušto za našu potribu, sva va kući zakolomučana, po leti mrzla, a po zimi tepla. I pokrijena, dabome. Tako da ni potriba njanci lumbrele duperat. Ni one za daž, a ni one za od sunca se sakrit. Po sredi su banci nabandani, a na jednoj bandi je svoje mesto našla još i peškarija. A naokolo i butige i mesnice. Sve na jednomu mestu i sve muderno, kako Bog zapovida.

Objavljeno u Beseda po domaću
Ponedjeljak, 15 Ožujak 2021 18:41

Rapski kantunić Josa Fafanđela: GALE

A znaš ti ča o našoj pulitici na Rabu? - pita mene jedan ovih dan. A zač me to i pitaš?- čudin se ja. Pitan te zato boj svajdi kolo nas, od Rike do Zagreba, slušan i čitan svaki dan o kandidatima za novi gradonačelnici, a kod nas na Rabu niš se kolo toga ne čuje. Tobože, da muču ovi ča su na vlasti, ali muču i oni ča su va opoziciji. - A tuliko i ja znan, govorin ja njemu, ali i niš više od toga. Inšoma, mislin se ja, a koga vraga un to mene i pita, oli misli da ću se i ja kandidirat. Ne, taj film nećeš gledat, govorin ja san sobon. Mladi su na redu, pa neka se oni i kandidiraju i boru.Ma jušto tako, a ja ću rađe šuškarit i ćapivat se drugoga posla.

Objavljeno u Beseda po domaću
Ponedjeljak, 01 Ožujak 2021 14:51

Rapski kantunić Josa Fafanđela: NOVITADI

Ako ćemo pravo, o jušto pasanoj šetemani se već more govorit i na drugi mod. Ma ne poradi korone i pulitike, nego jedino poradi vrimena. O da, pasana šetemana je bila darežljiva po lipomu vrimenu, tuliko lipa, va suncu i teplinji, da je sve ovo kolo nas počalo pomalo već tračit na proliće.

Objavljeno u Beseda po domaću
Ponedjeljak, 01 Veljača 2021 14:07

Rapski kantunić Josa Fafanđela: TUŽNE KAVE

Va ovomu ludomu štajunu od korone, niman više nauka unako malo na gušće poć do Grada. Varamente, iden svake šetemane, ali ne baš jako rano, pa me ne dopade ni kakovu ribicu kupit na pijaci. Istešo, zavirin ja svaki put kroz vrata nutra va peškariju, ma dočim me šerva onaj Goran, vreda mi reče: Aha, mogal si još kasnije arivat! I drži gumu va rukah i pere peškariju. Tako da ni neznan kakova se riba prodaje.

Objavljeno u Beseda po domaću
Ponedjeljak, 25 Siječanj 2021 16:18

Rapski kantunić Josa Fafanđela: ŠPUNTA

Da, jušto to san otil reć, kako je namin ovo ude na našemu malomu Rabu jako lipo kuntra svemu onomu ča ljudi potle onoga potresa gori provivaju. Ma jopet, isto mi ni drago ča se i ude kolo nas, oli med namin dogaja.

Objavljeno u Beseda po domaću

Niki dan pasivan kroz onaj naš lipi parkić Dorku i gledan - nima više jaslic. Celu sv. obitelj su raščinli i ponesli ća, pa i onoga moga kralja Gašpara ki je duron tamo stal z rasparanon haljon na hilu. Ni bilo nikoga da zeme iglu va ruke i zakrpa mu onu bužu. O tomu san i pisal i govoril dva oli tri put za redon. Pa san se domislil one znane - da pasi laju, a kravane pasivaju.

Objavljeno u Beseda po domaću
Stranica 1 od 8

 

 RAT1 600

seakayakcroatia

 

BANNER350 BarbaSIME1