Home Beseda po domaću Rapski kantunić Josa Fafanđela: JURE PIŠKANAC

Rapski kantunić Josa Fafanđela: JURE PIŠKANAC

0
Rapski kantunić Josa Fafanđela: JURE PIŠKANAC

Foto: Foto: Petar Lupić

Ben, ma mladost ni najcni malo kriva, mladosti je niki zbande ploku zalecal. Boj ono ča smo na dan mesopusta gledali Gradu va dvorani, to je bilo sve samo ne suđenje Juru Piškancu. A svih su z reklamon naješkali da će se Juru sudit. Tri plakata, a ne jedan, zvala su nas na suđenje. Najprvo program za celi mašakri, pa plakat samo za suđenje, a na kanati i palkat one pivačice Maje Šuput, ka nas je i na svoj mod zvala da potle Jura Piškanca dojdemo i nju popazit. 

Ni ni čudo, boj pametin da se je odavna već govorilo da je Piškanac dosadan, da ni za gledat. Ali Piškanac je uporno kritiziral i avizival, s prston pokaževal, sve je naše slabosti navidelo rival.

Rab danas oglas

I ljudi su arivali, a i mene su prevarili, boj tamo smo mogli i čut i gledat svega i svačesa samo ne suđenje Juru Piškancu. Dobili smo librić, kako zapisnik od suđenja, reklo se par besed kih niki ni mogal ni čut, ponesli su jadnoga Jura van, nisu ga nagorili, oli niki to ni mogal ni vit – i nati mod je sva ona simbolika glavnoga mašakranoga čina arivala na kanatu jušto kako je i počala. Niš ni bilo i niš se ni dogodilo.

A mladost, makar su to bila najviše dica, mladost za niš ni kriva. Oni su parićali ono ča su in rekli. I dobro su to parićali, pa su zabavili i sebe i nas. Ali oni ki su Piškanca parićivali, rinuli su ih va krivo vrime, boj ta lipa prestava i diteska živost mogla se je parićat dan oli dva prije, a ne na dan suđenja Juru Piškancu.

Jure Piškanac je zasvin imil pravo kada je i ove godine va svojoj oporuci i ovo zapisal: Sviman Rabljaniman ostavljam svoju skicu za uzidat spomenik našemu tovaru. Un je na Rabu to jedini i zaslužil!

Zato dica ne moru bit kriva, njiman svaka čast i kapa doli, drugi su ih rinuli na krivo mesto. A neću ni ja reć ki je kriv, boj kada san pital ki je tako odlučil, rekli su mi samo – tako je odlučeno. Ni ni čudo, boj pametin da se je odavna već govorilo da je Piškanac dosadan, da ni za gledat. Ali Piškanac je uporno kritiziral i avizival, s prston pokaževal, sve je naše slabosti navidelo rival. Ne samo ove sada kada je HDZ na vlasti, nego i prije kada je SDP držal timun. Zato nan Jure svake godine va svojoj opruci najviše ostavlja dvi stvari – pamet i karijole.

Kako je da je, ali evo, još je jedna vridna rapska, a prvo svega graska tradicija, po prvi put šla va niš. I zato je Jure Piškanac zasvin imil pravo kada je i ove godine va svojoj oporuci i ovo zapisal: Sviman Rabljaniman ostavljam svoju skicu za uzidat spomenik našemu tovaru. Un je na Rabu to jedini i zaslužil!

KOMENTIRAJ ČLANAK

Molimo, unesite Vaš komentar!
Molimo, ovdje unesite Vaše ime