logo mix

Rab Danas

Nezavisni internetski portal otoka Raba

Gif animacija za zapoljavanje 2000x240px

 

Subota, 11 Lipanj 2022 08:30

Rapski kantunić Josa Fafanđela: ČRŠKI

Napisao/la

Pita me niki dan Stanko Forić od Njemačke da ako su počali pivat črški. "Ude va Njemačkoj ja ga ne čujen", ruga se un. A ja mu odgovaran da nit ga tamo čuje, a nit će ga i čut, makar ih još ni ovo ude ne čujen.

Srijeda, 25 Svibanj 2022 17:03

Rapski kantunić Josa Fafanđela: KATAMARAN

Napisao/la

Sve se mislin oću oli neću, ma ala šu, povidat ću van jednu moju sramotu, a ta je da san se onoga pasanoga prvidna po prvi put va životu vozil z katamaranon. Komu god to povidan ne viruje mi. A nisan pa ča! Ni bilo potribe i gotovo. Ki put bi šal do Rike z auton, ali s katamaranon nikad. Pa eto, i to san proval. Lipa vožnja, pa još bonaca, a ča je najvažnije, za nas penzijoneri i za niš. Ma kadi to ima, da mi je znat! Tako se na komodu vozit i još za niš. Zato ovi naši valja ki put i pofalit za ono ča nan va životu i ča to lipoga parićaju.

Subota, 14 Svibanj 2022 07:32

Rapski kantunić Josa Fafanđela: VOGA NAPRVO

Napisao/la

Finili su Mare bali, rekli bi Dalmatinci. Oću reć pasale su fešte i blavdani pa je sada na redu vrime za ćapat se posla. A maj je ove godine jušto kako stvoren za to. Ćari i tepal, pa bi rekal da se ni va onaj mrzli april zamaškaral. Ben, ma ni bilo ni potribe za mašakrat se, boj kako prvo, mesopust je odavna već pasal, a kako drugo, i mi ljudi smo svi redon ovih dan maske hitili kvragu i sada zdišemo kako Bog zapovida.

Pogače i golubice bile su radost za nas dicu. Ben, ma sada smo već narasli, a golubice niku drugu dicu veselu. Tako ni druge nego sve to pametit, a ovoga puta va štoriji na prvo mjesto mandat, a ča drugo nego - jaja. Inšoma povidat ćemo ne jednu nego tri štorije od jaj.

Četvrtak, 31 Ožujak 2022 05:21

Rapski kantunić Josa Fafanđela: LopaRke

Napisao/la

Nego kako da mi je žal! A ča to? A to ča nisan bil na otvaranju izložbe naših LopaRki gradu va Moderato Cafeu. A Hrvoje je baš lipo napisal ...Kad se ruke pune dobre energije i pozitivne motivacije slože, ništa nije teško i sve se može...

Četvrtak, 24 Ožujak 2022 05:33

Rapski kantunić Josa Fafanđela: NAŠI ZDENCI

Napisao/la

Zbudin se pasanoga utorka, nagorin radijo kad čujen kako govoru da je toga dana - Svjetski dan voda. Istoga trena pade mi napamet kako san prije osan godin, pišuć Monografiju o 50. godišnjici našega Vrela, i ovo zapisal: "...Voda je nasušna potriba svakoga naseljenoga prostora, a voda i otok dvi su nerazdvojne, jušto zagrljene neminovnosti. Otočna povijest vodoopskrbe prirodna su vrela, lokve i bunari. Na Rabu se tekar puno potlije dogajaju nova bušenja i onaj spasonosni dovod vode s kopna. Ni zato ni malo za čudit se da su se ta mala izvorišta vode (vrela) mogla nać i va pučkoj domaćoj pjesmi, u usmenim predajama, pa i domaćoj šali, oli sulacu.

Ne, ni žbaljada ovo va naslovu, namjerno san rat napisal malin slovima, a MIR z veliman. Rat ne poštujen – i to je to. Na velu sriću ovih dan mi ga gledamo samo na televiziji i kadikod obrneš duron se čuje samo rat, rat, rat i rat. Ali ja čujen i jeku kako z one druge puno veće bande uporno i šaldo na to odgovara: MIR, MIR i samo MIR. Od veloga jada, latila me je volja da i o tomu ku besedu napišen, ali san našal jednu moju pismicu još od prije šejst godin, pa me je začudilo kuliko njezina poruka vridi i dan-danas, na žalost. I bit će dosta ono ča ona govori.

Evo, i osmi dan od marča je arival! Jedni ga zovu Dan žena, a drugi Majčin dan, a ja ne marin je uvako oli unako, nego se tornivan na ono kako smo taj dan duron poklanjali ženskiman. Redovito uz lipu rič, uz cvetić od galohara, ča oće reć, na prvomu mestu - uz ljubav.

Nedjelja, 13 Veljača 2022 19:19

Rapski kantunić Josa Fafanđela: VALENTINOVO

Napisao/la

A evo nan i Valentinova! Dabome, nisan mogal od manjega da ča to i o tomu ne zapišen, ali otvorin moji libri pa san šerval da san o tomu pisal i prije pet godin. I ča ću se unda mučit. Zel san malo toga, a zeru i novoga, pa evo ča se je rodilo.

Stranica 1 od 14

 

 RAT1 600

seakayakcroatia

 

BANNER350 BarbaSIME1