logo mix

Rab Danas

Nezavisni internetski portal otoka Raba

IMP2022 Gif animacija

 

Četvrtak, 23 Prosinac 2021 19:22

Rapski kantunić Josa Fafanđela: NOVA VRIMENA

Napisao/la

Nova su vrimena, dabome. I neka su, tako mora i bit, ali ja isto nisan nikad bil zato da se ona stara vrimena poradi toga zaburvu. Tobože, ča je bilo - bilo je, i to ča je bilo da više niš ne valja. I ne samo to, nego da smo mi današnji i puno pametniji od onih naših nidanjih. E, ali lako je bit pametan kada danas imamo puno svakojake tehinke kolo nas. Ali naši nidanji stari nisu imili tehnike, ma su zato imili praksu, a uza to i niko znanje i nauk, dabome.

Dignen se ovih dan, ma ne baš jako zaran, po meri se obučen i vreda trk na dvor. A onaj naš veli i lipi Velebit prizoči mi leži jušto kako na dlanu. A doli, šoto njega, zajatila se naša Tinjaroša, bela od beloga stenja i šara od zelenih grmčićev ki su se šoto vrha rasipali kako zrnje od kurala.

Vozeći se državnom cestom prema mjestu Lopar, prije nego li ugledamo plodno loparsko polje, s desne i lijeve strane dočekuju nas borovi šumarci koji najavljuju vizuru danas zelenog i šumovitog Lopara. Prekrasne prirodne pješčane plaže iznad kojih rastu guste borove šume mamac su za brojne turiste pa se Lopar, nekad siromašno poljoprivredno mjesto prometnuo u vrhunsku turističku destinaciju.

Ponedjeljak, 29 Studeni 2021 20:03

Rapski kantunić Josa Fafanđela: SVE POMALO KURI

Napisao/la

Ben, ma ča triba i govorit. Evo, va zdanji misec ćemo koraknut, a i godina gre pomalo na kanatu. Varamente, bolešćina nas i naprvo muči, ali evo prid namin su i blavdani.

Inšoma, jedno je istina - duron nas z nikin vragon strašu! Nikad čovik tako nima mira, pa unda i beštije zajedno z namin. Najprvo strahujemo od potresa, pa unda od nevere, od ciklunov i šijunov, pa nas strašu da ćemo se ozračit kroz nike vražje vele buže gori na nebu, unda jopet bolešćine, virusi, epidemije, pandemije, pa na kantati i ovaj najzločestiji virus ča su mu još dali lipo ime.

Ovih dan su malo spod Ivića kljuvali oni veli bageri, ma su i oni fermali. Ni vrag da su se samo pokazali? A sada vidin da se lipu one ploče od stenja na zid od Pumpurele. To je jedan posal, a drugi je da va sred Grada isto nikoga vraga kopaju. Ma ne zvana na ulici, nego nutri med Srednjon i Dolnjon ulicon.

Petak, 12 Studeni 2021 17:43

Rapski kantunić Josa Fafanđela: GLUMCI

Napisao/la

Ala šu, ne doznaje se redovito kuliko na Rabu ima korone. Jedni govoru trejset, a drugi i tristo. Oštija, ma da je to istina sve bi nas redon va kuće zalokotali. Ala šu, ja se tobože malo i rugan, makar ta nesrića od korone i ni za rugat se. Nadan se, dabome, da je ni tuliko na Rabu, ali vrag ne spi pa more bit svega.

Ma niman ča okolišat, nego ću van vreda reć uvako: Branka, moja nevča po sestri, šalje meni niki dan jednu sliku priko mobitela, a ja gledan i vidin školsku ploču va razredu punu računi od matematike i jednu klupu šoto nje. Kad piše ona meni uz tu sliku da malo hitin oko ča piše na onoj klupi.

Petak, 08 Listopad 2021 14:31

Rapski kantunić Josa Fafanđela: ZAHLADILO JE

Napisao/la

Da, mrzlije je vrime arivalo. Ala šu, ja razumin da smo se ove godine jadali na velu vrućinu, ma isto mi je nikakor žal ovoga našega leta. Dabome, uz jad na vrućinu bilo je i gosti pa su zarade sve to na svoj mod pokrivale.

Stranica 4 od 16

 

 RAT1 600

seakayakcroatia

 

BANNER350 BarbaSIME1