logo mix

Rab Danas

Nezavisni internetski portal otoka Raba

Četvrtak, 19 Travanj 2018 09:20

IN MEMORIAM - kapetan Branko Pahljina (1951. - 2018.)

Napisao/la Udruga pomorskih kapetana otoka Raba
Ocijeni sadržaj
(4 glasa/-ova)

U čast i na spomen svojega nedavno preminuloga predsjednika, kapetana Branka Pahljine, Udruga pomorskih kapetana otoka Raba.

 

Segutra su na naš škoj arivali kapetani..., od Rike, Kostrene, Šibenika, Zadra...,  

Ni bilo mitinga, najkle kofi tajma,

Na ultimi vijadž pratili smo tebe.

 

Borše ti nismo parićali, feštu nismo učinili,

Prognozu smo škivali boj nisi spominjal nikakovu manovru presidente.  

 

I nećemo govorit kako su ti Joki i Ivo lancane držali,

Kako si partil s bonacon i kako smo plakali.

 

Govorit ćemo kako smo prije i šempre skupa vijadžali,

Kako smo Lepantu spomen klesali, kako smo zajedno pivali.

 

Govorit ćemo kako smo se skupa puno smijali,

Kako smo struci i moru dušu dali, kako smo delali i feštali.

 

Govorit ćemo kako smo od tebe puno naučili,

Kako smo za ovo naše more nešto lipo učinili i kako se nikada nismo potopili.

 

Sada navigaš nekin drugin puntamin kapetane,

Sinjaš neke druge lanterne,

Loviš neke druge ribe,

Tučeš neke druge Tremuntane..., a mi ćemo ti reć ko ča si ti uvik nama govoril:

DRŽ DESNO!      TRDO SPRIDA!      KURAJU IN GAMBA!

 

(U ime Udruge pomorskih kapetana otoka Raba napisao Marko Sandalić)

Pročitano 3259 puta

seakayakcroatia