Home Vijesti 27.4.1962. – Tužno prisjećanje na 15 mladih života koje je progutalo more kraj otočića Trstenika

27.4.1962. – Tužno prisjećanje na 15 mladih života koje je progutalo more kraj otočića Trstenika

0
27.4.1962. – Tužno prisjećanje na 15 mladih života koje je progutalo more kraj otočića Trstenika

Foto: Foto: Ivica Hodak

 

DITE MOJE

(Napisao: Željko Jureša)

 

Kadi si dite moje? Već te dugo doma ni.

Od kada si partil ća 

i oganj va kominu nikako slabo gori.

 

Dođi do dome, zoven te svaki dan.

Gledan kako koštivaju vapori, ma tebe opet ni,

a mene od straha duša boli.

 

Svakoga dana gledan na more, 

Jedan se školj na njemu beli,

sunce mi na licu dube bore,

vetar mi kose na licu zapliće,

a suza slana na mene se hiće.

 

Čekan tako svakoga dana.

Munjena od boli s nikin ne govorin.

Ča će mi svi kada mi tebe ni,

kada više od svega samo tebe volin.

 

Niki strah va meni se budi i tuče.

Morete su sve veće, a kolo Trstenika

narasle su in bele kreste.

Dušu mi je škuro naglo pokrilo,

a va prsima probolo i jako zabolilo.

 

Znala san odma da te vidit više neću,

da san te zgubila i da mi te je

more zelo, jedinu moju sriću.

 

I odma san zanemila i palo je telo moje.

Zgubila san te zauvik nesritno dite moje.

 

A ti mi kod Trstenika na dnu mora počivaš

i va dubini svoj plavi sanak snivaš. 

Ne čuješ moj glas, ne vidiš suze moje,

zadnji put te pozdravljan jedino dite moje.

KOMENTIRAJ ČLANAK

Molimo, unesite Vaš komentar!
Molimo, ovdje unesite Vaše ime